ЈКП „Комуналец“ од денеска започнаа да ја чисти една од најголемите диви депонии во близина на Прилеп која се наоѓа позади касарната и која депонија е создавана повеќе години.
„Комунален мешан отпад, градежен шут, отпад од градење, кревети, постели, јоргани, пластика и пластични предмети, најлон, градинарски биоразградлив отпад е исфрлен позади касарната. Диво создадената депонија започнува од крајот на ул,, Ердован Шабаноски’’ и се чини како да нема крај каде завршува. Според градежните оперативци од „Комуналец“, само од оваа локација треба да се исчистат и транспортираат до депонијата во Алинци, над 1000 м3 отпад“, информираат од прилепски Комуналец.
Но се ќе биде залудно доколку инспекторите не започнат со пишување на казни за несовесните граѓани, нешто за што барем засега се нема желба ниту волја од надлежните.
