Денеска, Секторот за внатрешни работи Битола, Надворешната канцеларија за криминалистички работи Прилеп и полициска станица Прилеп во координирана акција, на повеќе локации запленија нелегално исечени огревни дрва.
„Имено на м.в.Песјобрдци, прилепско фатени се три лица М.А. (43), П. В. А (40) и И. Д. (48) сите од Прилеп, со три запрежни коли натоварени со огревни дрва без соодветна дозвола за истите. Одземената дрвна маса со околу 4.5 метри кубни е предадена на шумска полиција Прилеп. На м.в. Пештерица и Дата Центар во Прилеп запленети се три запрежни коли (шпедитери) натоварени со огревни дрва без дозвола од 0.70 м3 и истите се одземени од лицата С. А. (37), С.Б. (49) А.Ш. (41) сите од Прилеп. Во с. Ореовец, прилепско запленети се два шпедитери натоварни со 3м3 огревни дрва од 16- годишен малолетник од Битола. Одземената дрвна маса е предадена на шумска полиција Прилеп. Против лицата по документирање на настанот ќе биде поднесена соодветна пријава“, се вели во соопштението од СВР Битола.
