За СОНК денеска продолжуваат преговорите колку што сум информиран, не знам до каде е ова кое што би требало да изгледа како симулација на преговори. Дали беше целта да се растегне периодот па да се намали револтот кај наставниците, професорите и вработените во градинките?, истакна лидерот на ВМРО-ДПМНЕ, Христијан Мицкоски, денеска во Прилеп.
„Ако таа беше стратегијата, беше неуспешна бидејќи фрустрацијата кај луѓето е се поголема. Длабоко во себе посакувам да има добар договор, договор со кој ќе бидат задоволни вработените во училиштата и градинките. Ние како ВМРО ДПМНЕ апсолутно ги поддржуваме нивните барања, поднесовме Закони во парламентот, но за жал Владата на СДСМ и ДУИ тоа сето го одби, така што тука мислам дека во позадина се кријат други работи, но мислам дека времето ќе покаже кои се тие“, рече Мицкоски.
