На 28 мај во Домот на културата во Прилеп ќе се одржи Оpen beauty Hair Fest Prilep 2022. Фестивалот во ваков формат се одржува за прв пат во Македонија, меѓутоа е продолжение на досега направени два фестивали од ваков вид во Прилеп, но сега ребрендиран и подигнат на високо професионално ниво од меѓународен карактер.
Организатор на фестивалот е Здружение за настани, манифестации и едукации ПРОЕВЕНТ – Прилеп во соработка со Секцијата на фризери, бербери и козметичари – Прилеп. Директор на фестивалот е Крешимир Крешо Здравески, кој е воедно и креатор и реализатор како на претходните, така и на овој фестивал.
Open beauty Hair Fest ќе се состои од:
- Саем со штандови на кој ќе се претстават еминентни светски брендови за производи на нега на коса, опрема и алати, како од земјата така и од Италија, Србија
- Сценски шоу настапи на еминентни фризерски имиња од Македонија и како специјални гости ни доаѓаат два тима од Србија, европски и светски носители на награди и едукатори во областа на фризерството
- Забава, на која ќе се дружиме и дополнително ќе ја збогатуваме меѓусебната соработка.
Фестивалот ќе започне од 11ч. со дел посветен на нашите најмили насловен како Фризерско детско шоу и да присуствуваат на настан на кој ќе има многу забава, изненадувања и едукации. Учество ќе земат Денс студио Њу џенерејшен, Детскиот хор Весели ѕвончиња, маскоти, аниматори како и едукативна презентација од стручно лице, претставник на Зегин, кој е воедно и еден од покровителите на фестивалот, кој ќе ги едуцира дечињата преку интересна интеракција и анимација за нега и грижа за детското здравје.
Исто така децата ќе видат нови модни трендови на коса и прекрасни детски фризури, за што ќе има професионален сценски настап со деца модели. Од 13ч. започнува делот со настапи на тимови од: СОУ Ѓ. Петров насока фризери и козметичари, Теса бјути академија, Фарма вита, Кене, Србија гламур тим, Србија барберинг тим, Тим Прилеп и тим Македонија.
Прилеп, уште еднаш докажува дека е град лидер во одржување и унапредување на занаетчиство и воедно пример за идните млади фризери. Дел од сретствата од продажбата на билети, ќе биде наменет за изградба на трибини на теренот со вештачка трева во Прилеп.
Фестивалот го потпомогнаа: Здружението Проевент Прилеп, Општина Прилеп, Зегин, Аптеки Ментафарм, Васидора, Гранд козметик Тетово, Прима козметика, Вичишки комерц, Синалко и многу други. Медиумски покровители се МРТ, Канал 5 телевизија и Радио 5 Чоки.
