Во Крушево по трет пат се одржа меѓународниот пливачки маратон „Тоше Проески“ на крушевското Езеро. На победниците им беа доделени пригодни награди и благодарници на сите учесници.
„Крушевското Езеро денес е атрактивна посакувана и препознатлива туристичка дестинација. Крушево е посетувано, посакувано и живее во сите четири сезони! Денес на крушевското езеро трета година по ред се одржа „Меѓународниот пливачки маратон во далечинско пливање Тоше Проески“. Општина Крушево продолжува да ги поддржува овие настани кои придонесуваат кон развој на спортскиот туризам и привлекување на се повеќе гости и туристи во нашето убаво Крушево“, вели градоначалникот Томе Христоскии.
