Поради силниот дожд и ветар кој вчера попладнето го зафати Прилеп се искинаа дел од каблите кои носат електрична енергија на ул. „Јоле Андоноски“ во Прилеп. Жителите обвинија дека и по 4 часа од случајот никој од ЕВН нема дојдено, а од каблите кои лежеа на улицата излегувале искри.
По објавата на Инфо Компас за овој настан екипи на ЕВН само ги отстраниле каблите, но дел од куќите се уште и по скоро 24 часа немаат струја, а дел пак немаат една фаза.
Жителите се крајно револтирани, велат дека цел вечер биле на свеќи, а се плашат дека ќе им се расипи и храната во фрижидерите. Бараат итна реакција на ЕВН.
130