Малиот прилепчанец, Исак Илиоски, стар само 6 месеци, вчера заедно со своите родители Филип и Михаела и со уште 7 нивни пријатели, сите членови на здружението „Маркови точакџии“, се искачи на највисокиот врв во Македонија – Голем Кораб 2.764 мнв.
Со ова Исак стана најмладиот планинар кој досега се има искачено на Голем Кораб. Инаку Кораб важи за еден од потешките врвови за искачување со должина на турата од 19 км.
Неговите родители, кои се големи вљубеници во природата, за прв пат го однесоа Исак на планина кога тој имаше само неполни 2 месеци. Велат дека нема да застанат тука и ќе продолжат со искачување на нови планински врвови.
