Во бугарскиот град Стара Загора се одржа научна конференција по повод 100-годишнината од смртта на блажениот митрополит Старазагорски г. Методиј Кусев, кој што пак е роден во Прилеп.
На овој настан учество зеде и прилепчанецот Арсениј Ангелески, со свој пијано рецитал, по што доби и Грамота од денешниот Старозагорски Митрополит Кипријан.
Инаку Методиј Кусев е роден во Прилеп во 1838 година и е еден од првите кој бара да се возобнови Светиклиментовата Охридска архиепископиа како македонска народна црква. Кусев добива монашки постриг под името Методиј, претходно се викал Тодор, во 1873 година На 22 април 1894 г., архимандрит Методиј добива епископски чин со титула Велички и е назначен за управител на епархијата на Стара Загора.
