Откриени омилените административци – во едно од министерствата платите ќе пораснат за 30%

Facebook
Twitter
Email
Print
Play Video

Со Буџетот за 2023 година, кој е во собраниска процедура во моментов, се планира наредната година да има 26,7 милиони евра или 5 насто повеќе пари за плати на јавната администрација. Сепак, ова зголемување не е рамномерно за сите 16 министерства.

Апсолутен победник во категоријата најголемо зголемување на платите ќе бидат 664 вработени во Министерството за финансии. Новата година тие ќе ја стартуваат со дури 32,7 насто поголема просечна месечна бруто-плата по вработен. Платата ќе се зголеми за речиси 250 евра и ќе изнесува 987 евра (60.685 денари). Втори на листата со зголемување на просечната месечна бруто-плата се во Министерството за образование. Ова министерство ќе подели плати на 7.406 вработени, при што просечната месечна бруто-плата ќе се зголеми за 29,77 насто или 956 евра (58,822 денари). Трети на листата се вработените во Министерството за одбрана, каде што просечната месечна бруто-плата за 7.468 вработени ќе биде 895 евра (55,068 денари).

ИНСТИТУЦИЈА ПЛАТИ И ПРИДОНЕСИ БРОЈ НА ВРАБОТЕНИ ПРОСЕЧНА БРУТО-ПЛАТА ПО ВРАБОТЕН ПРОСЕЧНА НЕТО-ПЛАТА ПО ВРАБОТЕН
2023 година

Во милиони евра

% ВО ОДНОС НА 2022 ГОДИНА 2022 година 2023 година 2023 година

 

 

Во евра

% ВО ОДНОС НА 2022 ГОДИНА 2023 година

 

 

Во евра

Министерство за финансии 7,86 + 28,46 % 687 664 987 + 32,7 % 654
Министерство за образование 71,8 + 9,15 % 7441 7406 956 + 29,77 % 634
Министерство за одбрана 80,2 + 12,95 % 7580 7468 895 + 14,8 % 595

Од министерствата за финансии и образование за www.pari.com.mk не одговорија на што се должи големиот пораст на платите. Само од Министерство за одбрана дадоа појаснување: „Зголемувањето на средствата за плати во буџетот на Министерството за одбрана за 2023 година се должи на предвидениот прием на нови 500 професионални војници, за кои се обезбедени средства за исплата на бруто-плата, потоа на предвидениот прием на питомци од Воената академија, прием на офицери со дошколување, како и на зголемувањето на платите на припадниците на Армијата со донесените измени во Законот за служба во Армијата, од октомври 2022 година“, велат од министерството.

Како што има победници, во распределбата на буџетските пари за плати, има и губитници. Но, тоа било фиктивно, велат во министерствата каде се намали просечната месечна бруто-плата по вработен или кои добија помалку пари за плати во споредба со 2022 година. Убедливо најголемо намалување има во Министерство за политички систем и односи меѓу заедниците, каде просечната месечна бруто-плата по вработен е намалена за 11,3 %. Следува Министерството за локална самоуправа со 8,16 % намалување и Министерството за транспорт и врски со 2,1 % намалување.

ИНСТИТУЦИЈА ПЛАТИ И ПРИДОНЕСИ БРОЈ НА ВРАБОТЕНИ ПРОСЕЧНА БРУТО-ПЛАТА ПО ВРАБОТЕН ПРОСЕЧНА НЕТО-ПЛАТА ПО ВРАБОТЕН
2023 година

Во милиони евра

% ВО ОДНОС НА 2022 ГОДИНА 2022 година 2023 година 2023

 

 

Во евра

% ВО ОДНОС НА 2022 ГОДИНА 2023 година

 

 

Во евра

Министерство за политички систем и односи меѓу заедниците 3,2 + 6 % 354 423 622 ‒ 11,3 % 418
Министерство за локална самоуправа 0,55 ‒ 8,16 % 56 56 816 ‒ 8,16 % 543
Министерство за транспорт и врски 2,2 ‒ 2,9 % 255 253 725 ‒ 2,1 % 484

Од сите три министерства за www.pari.com.mk одговорија дека нема да има намалување на платите за вработените.

Од министерството на Артан Груби велат дека „Во МПСОЗ нема да има намалување на нетоплатата по вработен, туку драстично се намалува бројот на вработените поради преземања од други институции од јавниот сектор, и на овој начин се добива погрешен впечаток дека ќе се намалува бруто, односно нетоплатата по вработен. Во МПСОЗ дури има желба и стремеж да се поднесе иницијатива да се покачуват платите во јавниот сектор.

Од Министерството за транспорт и врски со ист одговор: „Сакаме да Ви потенцираме дека оваа година немаше намалување на платите за вработените и, исто така, да Ви потенцираме дека и следната година нема предвидено намалување на платите за вработените“.

Но, веројатно најјасно објаснување зошто кај некои министерства има намалување на просечната месечна бруто-плата по вработен дадоа од Министерството за локална самоуправа:

„Намалувањето на буџетот на Министерството за локална самоуправа за 2023 година во делот за плати за 8,16 %, не значи и намалување на платите на вработените во Министерството. Намалувањето на буџетот за плати е резултат на планирани, но нереализирани нови вработувања во 2022 година, како и планирани, но нереализирани средства за додаток на плата за зголемен обем на работа. Доколку во 2023 година има реална потреба од дополнителни средства по овој основ, може да се направат корекции со ребалансот на буџетот. Целта на Министерството за локална самоуправа е да ги намали сите непродуктивни трошоци во работењето и да не врзува буџетски средства без реална проценка на потребите и без осигурани услови за нивна целосна реализација“, велат од Министерството за локална самоуправа.

Задебелениот текст можеби најдобро ја отсликува досегашната пракса на планирање на буџетот за плати, која сега се напушта бидејќи е криза и нема доволно средства.

ИНСТИТУЦИЈА ПЛАТИ И ПРИДОНЕСИ БРОЈ НА ВРАБОТЕНИ ПРОСЕЧНА МЕСЕЧНА БРУТО-ПЛАТА ПО ВРАБОТЕН ПРОСЕЧНА НЕТО-ПЛАТА ПО ВРАБОТЕН
2023 година

Во милиони евра

% ВО ОДНОС НА 2022 ГОДИНА 2022 година 2023 година 2023 година

 

 

Во евра

% ВО ОДНОС НА 2022 ГОДИНА 2023 година

 

 

Во евра

Министерство за финансии 7,86 + 28,46 % 687 664 987 + 32,7 % 654
Министерство за образование 71,8 + 9,15 % 7.441 7.406 956 + 29,77 % 634
Министерство за одбрана 80,2 + 12,95 % 7.580 7.468 895 + 14,8 % 595
Министерство за информатичко општество 1,9 + 5,4 % 245 234 681 + 10,32 % 456
Министерство за внатрешни работи 139,5 + 4,57 % 11.780 11.511 1,010 6,96 % 669
Министерство за земјоделство 8,65 + 3,62 % 1.046 1.022 705 5,93 % 471
Министерство за култура 1,88 + 2,67 % 200 195 805 + 5,2 % 536
Министерство за здравство 1,86 + 3,6 % 194 192 809 + 4,69 % 539
Министерство за надворешни работи 10,6 + 4,55 % 444 443 1988 + 4,57 % 1.302
Министерство за правда 1,8 ‒ 3,29 % 217 207 721 + 2,05 % 482
Министерство за труд 15 ‒ 1,07 % 1.924 1.874 670 + 1,57 % 449
Министерство за екологија 19,7 0 % 216 213 769 + 1,5 % 513
Министерство за економија 2,7 9,9 % 269 271 823 ‒ 0,16 % 547
Министерство за транспорт и врски 2,2 ‒ 2,9 % 255 253 725 ‒ 2,1 % 484
Министерство за локална самоуправа 0,55 ‒ 8,16 % 56 56 816 ‒ 8,16 % 543
Министерство за политички систем и односи меѓу заедниците 3,2 + 6 % 354 423 622 ‒ 11,3 % 418
  • Пресметката за нето-плата е правена со калкулаторот https://plata.m.ie.mk/

Целата анализа е достапна на следниот линк: https://pari.com.mk/otkrieni-omilenite-administrativci-vo-koe-ministerstvo-platite-kje-porasnat-30/

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Play Video

Следете не на facebook

 

Вашата поддршка многу ни значи