На 12 и 13 април со почеток во 9 часот во спортската сала на СОУ „Ристе Ристески – Ричко“ во Прилеп ќе се одржи хуманитарен турнир во футсал за лицата со ретки болести – под мото „Да се помогне некому е најголемата победа!”
Организатори на турнирот се Младинската организација на СОУ „Ристе Ристески-Ричко” -Прилеп, во соработка со ЗЛРБП „Мојот редок свет”, а целта е подигнување на свеста за постоење на ретките болести како и поддршка на лицата кои живеат со ретка болест!
„Добредојдени сте сите, да не поддржите заедно да навиваме во името на ретките болести. Со надеж дека овој турнир ќе стане традиција во рамките на класовите од СОУ „Ристе Ристески -Ричко. Парите од турнирот ќе бидат донирани во семејства каде што има член со ретка болест”, велат организаторите.
