Во Бугарија вчера се одржаа парламентарни избори на кои, според последните податоци објавени од Централната изборна комисија, води коалицијата ГЕРБ-СДС со 26,67 отсто од гласовите.
Во Македонија се гласаше на седум избирачки места – во Скопје, Битола, Струмица, Тетово, Охрид, Кавадарци и Прилеп. На изборите можеа да гласаат и оние што не се пријавиле, а и оние што имаат и времени патни исправи. Најмногу гласачи имало во Скопје – 185, а најмалку во Тетово – 8.
Вкупниот број бугарски државјани што гласале на овие избори во Македонија бил 452. Најмногу гласови добила коалицијата на Бојко Борисов ГЕРБ-СДС – 143. Коалицијата на Кирил Петков Продолжуваме со промените и Демократска Бугарија (ПП-ДБ) освоила вкупно 127 гласа. По нив следуваат Преродба со 39 и Движење за права и слободи (ДПС) со 35 гласа.
Во Прилеп гласале вкупно 39 лица, и тоа најмногу за:
ГЕРБ-СДС – 5
Преродба – 10
Коалицијата Продолжуваме со промените и Демократска Бугарија (ПП-ДБ) – 7
Движење за права и слободи ДПС – 6
Овие избори беа петти по ред во две години откако и по последните избори ниту една партија и коалиција не успеа да формира влада поради што Бугарија функционираше со службена влада.
