Прилепските Планинари Авантуристи во соработка со ПСД „Момата“ започнаа реконструкција на планинарскиот дом „Томе Темелкоски“ на Селечка.
„Во текот на денешниот ден се однесоа два шпорети комплетирани и плус бории за постоечките заштитени со заштитен спреј. Се употребија и 100 литри вар и 50 литри фасадна боја за целосно бојадисување на домот, дограмата се премачка и излакира целосно, а се постави и рефлектор во надворешниот дел. Благодарност до ПСД „Момата“ за несебичната поддршка и до сите кои помогнаа. Кирил Јандреовски е донатор на двата шпорети, а голема благодарност и до сите кои што донираа на маршот посветен на Томе. Продолжуваме понатаму со следна акција за скоро време“, истакнаа од Прилепски Планинари Авантуристи.
174