Почитувани прилепчани, спортски љубители, ни претставува особена чест да го најавиме овогодинешното издание на турнирот во мал фудбал „СВ. НИКОЛА 2023“ – Прилеп.
Оваа 2023-та година турнирот ќе се одржи од 8-ми до 24-ти декември во спортската сала на СОУ „Ристе Ристески – Ричко“.
Наградниот фонд за ова издание на турнирот е повеќе од 460 илјади денари, односно за прво место изнесува 260.000 денари, за второ 130.000 денари, додека за трето место наградата изнесува 70.000 денари. Котизациите се 9.000 денари за сениори, а за пионери изнесуваат 3.000 денари.
Пријавувањето започнува на 30.11.2023 година и ќе трае заклучно со 06.12.2023 година и истото може да го направите на наведените телефонски броеви. Бројот на екипи за „СВ. НИКОЛА 2023“ е ограничен на 32.
Ги повикуваме сите фудбалски и спортски љубители да го посетат и да бидат дел од овој традиционален турнир и уште еднаш да докажеме зошто Прилеп е најфудбалски град во Република Македонија.
