По четврти пат Прилепските планинари Авантуристи na првиот ден од Новата Година, односно на 01.01. го организираат искачувањето на највисокиот врв во градот Прилеп, врвот Козјак – 1.747мнв.
„Идејата започна уште во 2021 година со помала група на планинари за да во наредната 2022 веќе прерасна во поголема група од над 50 учесници во која година беше и реконструирана и самата диско топка т.е обележјето на самиот врв кој беше оштетен од силните ветрови и големата количина на снег која беше прилепени на самата топка. Летото истата година беше поставен и јарбол со државното знаме на Република Македонија кое речиси три пати во годината тоа се сменува, Во 2023 беше променето со ново па така и оваа 2024 ќе биде променето со ново знаме и со нови знаменца на самото обележје“, вели Владимир Јованоски, член на Прилепски планинари Авантуристи.
Од ова прилепско здружение го покануваат сите љубители на планината и природата да се приклучат на оваа акција и да ја започнат годината со убави моменти.
„Искачувањето е во група предводена од професионални долгогодишни планинари водичи кои ја познаваат секоја педа од планината Бабуна и врвот Козјак. Стартот на турата е во 9 часот од паркингот кај селото Плетвар или поранешен ресторан Рај. Спортски поздрав и Среќни Новогодишни и Божиќни празници ви посакуваат вашите Прилепски Планинари Авантуристи“, додава Јованоски.
Еве како изгледаше искачувањето на Козјак на 01.01. претходните години.
