Министерството за труд и социјална политика соопштува дека Владата на денешната 216-та седница ја промени препораката за работа в недела и за време на божиќните празници во трговијата на мало, донесена на 214-тата владина седница.
Имено, Владата го разгледа и прифати посочувањето на Министерството за труд и социјална политика дека 7 јануари (недела) и 8 јануари (понеделник) се неработни денови во согласност со Законот за празниците. На денешната седница одлучи да престане да важи препораката за работа на 7 и 8 јануари 2024 година на продавниците, штандовите и на киосците што вршат трговија на мало за време на божиќните празници, која што ја донесе на 31 декември 2023 година.
„За време на новогодишните и божиќните празници е зголемена посетеноста од страна на туристи низ целата држава, поради што има и потреба да се овозможи да пазаруваат, а со што ќе придонесат во растот на потрошувачката во државата“, стоеше тогаш во соопштението од Владата.
208