Градоначалникот на Прилеп, Борче Јовчески со подарување цвеќе на прилепчанки го честита Меѓународниот ден на жената 8 март на своите сограѓанки.
„Среќен 8-ми март, мои драги прилепчанки, почитувани колешки, советнички, новинарки и сите мои сограѓанки!
Сметам дека жената секогаш била и ќе биде една од најважните алки во сите сфери на општественото живеење и само доколку вие сте активно вклучени во сите сегменти, можеме заедно да напредуваме.
Ви посакувам на сите, секогаш да го имате вниманието, љубовта и почитта што ја заслужувате!“ , истакна Јовчески.
