По повод празникот посветен на Светите браќа Кирил и Методиј, сесловенските и македонски просветители, Здружението „Платформа за КРЕАТИВНИ КОНЦЕПТИ – Прилеп“ во соработка со Општина Прилеп и храмот „Св. Кирил и Методиј„ – Прилеп ве поканува да присуствувате на завршниот настан од проектот „Денови на Свети Кирил и Методиј“.
На 24.05.2024 година во храмот „Св. Кирил и Методиј“ – Параклис, ќе бидат презентирани делата изработени од страна на учениците од основните училишта од Прилеп кои во текот на претходниот и овој месец учествуваа на работилниците кои што беа дел од проектот. Се одржаа работилници од областа на македонскиот јазик, историјата и ликовната уметност со ученици од 7 и 8 одделение, преку кои се потенцираше значењето на Светите Кирил и Методиј кои го имаат како во Македонија така и во регионот.
Исто така ќе бидат одржани и предавања за значењето кое Светите браќа го имаат како во Македонија, така и во светот, од страна на професорот Горјан Василески.
Претходно за празникот кој е и храмова слава ќе се отслужи и Света Божествена Литургија со која што ќе чиноначалствува Неговото Високопреосвештенство Митрополит Преспанско-пелагониски и Администратор Австралиско-новозеландски г-дин Петар.
