Унијата на ЗМСТАС предводена од Здружението „ЗА НАС“ на 1 јуни, во 12 часот кај Градскиот саат во Прилеп, ќе одржи донациски базар насловен како „Сестрите за сестрите“. Програмските цели на Хуманитарното друштво при ЗМСТАС „ЗА НАС“ започнаа пред Божиќ со медицинските сестри од патронажата, низ донациите за бездомните и социјално загрозените лица, продолжувајќи со хуманитарниот донациски базар кој беше организиран во текот на чествувањето на Меѓународниот ден на медицинските сестри и традиционалната Свечена академија.
„Нашите активности во оваа хумана насока продолжуваат, па токму сега, на Светскиот ден на детето, го организираме овој хуманитарен базар за помош на нашите колешки и нивните деца, за кои се потребни средства за лекување со порака да допринесеме за уште две детски насмевки. Од особено значење ќе биде вашето присуство на настанот и можноста да допринесете за хуманитарната акција“, велат од Хуманитарното друштво при ЗМСТАС „ЗА НАС“.
