Прилепската рок група The Hounds оваа година слават 16 години постоење, 16 години музицирање, 16 години континурано креирање култура не само во Прилеп, туку и во Македонија.
Како и секоја година, така и оваа својот роденден го слават во срцето на градот, во центарот на старата прилепска чаршија. Нивниот роденденски концерт е настан кој со нетрпение го чека цел Прилеп, затоа што својот роденден го збогатуваат и со настапи од свои колеги музичари кои заедно со прилепската публика го прават нештото да биде комплетно.
Оваа година нивни гости ќе бидат DJ NEOX, најпопуларното македонско електронско дуо Cyrillic, а свој допринос во забавата ќе даде и еден од најпознатите прилепски актери и одличен саксофонист Илија Волчески.
За Златко, Крсте, Јане и Илија не треба посебна најава, сите сме присуствувале на безброј нивни свирки по прилепските локали, фестивали и други настани, бенд кој оставил и ќе остава голем белег во Прилеп. Затоа вечер од 21.00 часот сите пред Калинка за уште една незаборавна вечер со The Hounds!
