Вчера во 16:40 часот, во атарот на село Болно, Ресенско, полициски службеници од ОВР Ресен ги лишиле од слобода С.Д. од Ресен и Т.Д. од Прилеп поради сомнение за сторено кривично дело кражба.
„При контрола на трактор со приколка, кој го управувал С.Д., а сопатник бил Т.Д., биле пронајдени огревни дрва за кои не поседувале никаква документација. Тракторот, дрвата и приколката биле одземени, а по целосно документирање на настанот против лицата ќе следува соодветна пријава“, соопштија од МВР.
