На 11.11.2024 година, понеделник со почеток во 19:00 часот во фоајето на НУЦК „Марко Цепенков“ ќе се одржи концерт на женскиот камерен хор „Керамија“, под диригентската палка на Катерина Попоска.
На програмата ќе бидат изведени дела од духовен карактер, македонски народни песни, песни од македонска забавна музика и англиски хитови. Музички соработници на концертот на Женски камерен хор „Керамија“ ќе бидат Иле Иваноски пијано, Менде Ташкоски тамбура, Филип Бурнески тарабука, тапан.
Гости на вечерта се поетите Лина Димоска и Филип Димкоски и ПопРок хор „BIT VOX“ од Битола под диригентска палка на Марина Коруновска и пијано корепетиција Александрa Ристовска.
