Заменик министерот за економија Марјан Ристески денеска го посети Тутинскиот Комбинат – Прилеп, каде оствари средба со новиот Генерален извршен директор, Александар Алексовски и неколку членови на одборот на директори на комбинатот. Од новиот менаџмент истакнале дека работат на финансиска консолидација на компанијата, како и дека се подготвени за новиот откуп на тутунот кој започнува од наредната недела.
„АД Тутунски комбинат Прилеп е со над 80% државна сопственост, се бави со производство на цигари, преработка и продажба на обработен тутун и е една од најважните компании за економскиот развој на државата и овој регион. АД Тутунски комбинат Прилеп е компанија која има стратешко партнерство со светскиот гигант во оваа индустрија Филип Морис Интернешнл (ФМИ) од 2014 година. Александар Алексовски е најмладиот генерален директор во историјата на оваа компанија и се надевам дека позитивно ќе одговори на овој нов професионален предизвик и ќе биде една успешна приказна за комбинатот. Му посакувам многу успеси на новата позиција, се надевам дека ќе придонесе за развој на оваа гранка и дека ќе воведе нови вредности во менаџирањето на комбинатот“, вели Ристески.
