Земјоделско претприемништво за млади со посебни потреби е новиот проект на ЛАГ АГРО ЛИДЕР кој ќе се имплементира во наредните 24 месеци и е единствен проект од ваков тип , не само во Македонија туку и во цела Европа. Во истиот се вклучени 9 организации од земји членки на ЕУ , како што се Грција и Хрватска, но и од Лихтенштајн и Македонија и афричките држави како Тунис, Мароко, Египет и Јордан. Целта на проектот е поддршка на инклузивни и одржливи идни општества, преку зајакнување на младите кои се соочуваат со попреченост, да стекнат вештини за претприемништво, да се вклучат во одржливо земјоделско претприемништво преку опфат на наставна програма која одговара на нивните потреби и интереси.
Проектот е број 1 на листата на ЕРАЗМУС по своите резултати кои што ги достигна и влијанието кое што го има. Земјоделско претприемништво за млади со посебни потреби е нова тема која се актуелизира токму преку овој проектот. Македонија нема ниту некои добри мерки за развој за претприемништво за млади, а посебно не пак за млади со посебни потреби во земјоделскиот сектор. Токму затоа овој проект е навистина еден иновативен начин за да им се помогне на овие лица.
Досега е креиран водич за сите земји за овој проект, а ќе се креира и дигитална платформа која ќе нуди модули за развој младите со попреченост во земјоделскиот сектор. Ова е прва ваква платформа во Европа која што ќе се креира и ќе биде достапна за лица со различни попречености, ќе има различни делови, преку звук, глас, со читање итн… во зависност од попреченоста и нивотото на попреченсот. Сите млади со попреченост кои што сакаат да започнат некој бизнис во земјоделството ќе може да ги слушаат модулите од платоформата кои ќе бидат преведени на 8 јазици.
За повеќе детали околу овој иновативен проект погледнете го видеото и разговорот со Даниела Цветаноска од ЛАГ АГРО ЛИДЕР.
