Да го поддржиме тимот од прилепската гимназија за нивната стартап-идеја TenderlyAI

ЕУРО ГЛАС ТРЕЈД ПРИЛЕП над 20 години заедно со Вас - најдобрите ПВЦ и алуминиумски врати и прозорци

Тим од шест средношколци од Прилеп – Глигор, Софија, Марио, Галина, Марин и Леона кои ја претставуваат Гимназијата „Мирче Ацев“, постигна значаен успех на стартап-натпреварот организиран од Brainster. Со својата стартап-идеја TenderlyAI, тимот се пласираше меѓу најдобрите 141 идеја од повеќе од 600 пристигнати пријави.

TenderlyAI е платформа базирана на вештачка интелигенција, наменета да им помогне на компаниите полесно да пронаоѓаат и анализираат јавни тендери. Преку анализа на тендерските услови, платформата ќе проценува колку одредена компанија одговара на барањата и ќе ги посочува потенцијалните ризици при аплицирањето.

Идејата на тимот е да го поедностави процесот на учество во јавни набавки, да заштеди време и да им помогне на компаниите да носат подобри и поинформирани деловни одлуки.

Овој успех претставува значајно признание за младите иноватори од Прилеп и нивната гимназија, но и поттик за понатамошно развивање на идејата. Тимот со својот пример покажува дека младите можат да бидат носители на иновации и да создаваат технолошки решенија за реални предизвици.

„Воедно, ги повикуваме сите наши сограѓани, пријатели, професори и поддржувачи да нè поддржат со својот глас за TenderlyAI.
Како да гласате за нас?
Отворете го линкот за гласање.
Притиснете го копчето „Гласај“.
Најавете се за да го потврдите вашиот глас.
Секој глас ни значи многу и претставува дополнителна мотивација да продолжиме да ја развиваме нашата идеја и достоинствено да ги претставуваме Прилеп и Гимназијата „Мирче Ацев“.
Ви благодариме за поддршката!“, велат од овој средношколски тим.

ЛИНК ЗА ГЛАСАЊЕ:

https://milioner.mk/vote/40946ae6-4d42-4a47-8c79-92efaec9c4c5?fbclid=PAT01DUAVmzLRleHRuA2FlbQIxMABwZG9mAnNydGMGYXBwX2lkDzU2NzA2NzM0MzM1MjQyNwABp5HMD5J88IaBLjFsDAeOfPzWeUrZo2rgy9XkfNe4cw5wTf5Sk5XI6MzptqF-_aem_d-K6vdIP2H9JeOYCyDgU9Q

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

ЕУРО ГЛАС ТРЕЈД ПРИЛЕП над 20 години заедно со Вас - најдобрите ПВЦ и алуминиумски врати и прозорци