Носителот на независна листа советници во Кичево Алит Абази кој беше застрелан во вооружен инцидент во Кичево утрово им подлегнал на повредите.
Абази беше нападнат од зад грб, додека бил со шефот на неговиот изборен штаб, Дестан Абдиу кој исто беше мета на напаѓачот.
Нападот се случи во центарот на Кичево. Абази неколку дена се наоѓаше во критична состојба на Одделот за интензивна нега на скопските клиники. Имаше сериозни повреди на абдоменалните органи и на р’бетниот столб.
Лицето кое пукаше во независниот кандидат за советник во општина Кичево, доби 30-дневен притвор. А.А. 58-годишен од кичевското село Горно Строгомиште, веднаш беше уапсен.
Полицијата извести дека тој инцидент не бил поврзан со изборниот процес, туку била приватна расправија на која и претходела и судски процес. Во тешкиот инцидент беа повредени три лица.
