На 13.03.2019 во 22.10 часот на улица „Александар Македонски“ во Прилеп се случила сообраќајна незгода помеѓу патничко возило „Фиат Пунто“ со прилепски регистарски ознаки, управувано од С.Д.(54) од Прилеп и минибус „Мерцедес Спринтер“ со прилепски регистарски ознаки, управуван од И.В.(30) од Прилеп.
„Во незгодата со тешки телесни повреди се здобил возачот С.Д, а со телесни повреди се здобил сопатникот од истото возило Д.Ј.(44) од Прилеп и уште девет патници во минибусот. На сите повредени им била укажана лекарска помош во Градската општа болница Прилеп. Увид на местото на настанот извршиле екипа од Полициската станица Прилеп и Јавен обвинител“, велат од СВР Битола.
Инаку први на лице место пристигнаа пожарникарите од ТТПЕ Прилеп заедно со Итната медицинска помош . Благодарение на брзата интервенција на ТППЕ, со сечење на дел од возилото Фиат Пунто, навреме и безбедно се извадени двајцата потешко повредени кои биле во него.
