Четириесет и тригодишниот пациент од Велес, кај кого е регистриран делта сојот на ковид-19, се вратил од Англија пред 2 недели.
„Лицето е вратено од Англија пред две недели, а хоспитализиран е седум дена на Инфективното одделение. Пациентот е со полесна клиничка слика и не е на кислородна поддршка“, рече д-р Елеонора Јованова, портпаролка на Болницата.
43-годишникот е единствен пациент кој е хоспитализиран како позитивен на велешкото Инфективно одделение. Во Велес има уште еден активен случај на ковид-19, според податоците на Институтот за јавно здравје.
Досега во земјава досега со делта сојот се заразени 4 пациенти, а за уште четворица се чекаат резултатите.
