Во однос на вакцинациите сакам да ве известам дека граѓаните за нив се информираат секојдневно, рече директорката на Здравствен дом Прилеп Оливера Аџиоска.
„Значи во службата за предшколски вакцини, тековно, согласно одредбата на Министерството, ниту една вакцина која што е поврзана со ден, два или три задоцнување, не смее да биде изоставена и детенцето да не ја прими. Значи во согласност со службата и родителите, доколку детето е здраво, се договара кој ден да дојде и вакцината мора да биде примена.
Исклучок од ова се школските вакцини, значи за деца од 6 до 18 години, каде согласно принудниот распуст што сега е во тек, се е одложено, и систематските прегледи, и вакцините кои можат да трпат такви пролонгирања. Значи во службата за предшколски вакцини слободно ги информирам граѓаните, секојдневно можат да дојдат и своите дечиња да ги вакцинираат, затоа што тие се вакцини кои не трпат понатамошно одложувања“, истакна Олиивера Аџиоска, директорка на Здравствен дом Прилеп.
