НОВО во GALA WASH Прилеп !!! Перење на патосници - Антибактериски мирис - Црнило за гуми
Со пригодна свеченост денеска во домот за стари лица во Прилеп „Киро Крстески Платник“ беше одбележаната Неделата за грижа на стари лица. Капацитетот на Домот е околу 150 легла, а секогаш има листа на чекање од 20 до 30 лица. Штитеници има од сите градови на Македонија, како и лица донесени тука преку Центрите за социјална работа. Директорот на Домот, Благојче Стојаноски, истакна дека со инвестциии од 3 милиониони денари во последниот месец, значително се пдообриле условите за живот и престој на штитениците.
„Голема благодарност упатувам до Локалната самоуправа на Општина Прилеп за обезбедената субвенција во висина од 3.100.000 денари, со која набавивме современа опрема што ја олеснува нашата работа во различни аспекти – од техничка поддршка, до подобрување на функционирањето на сервисите кои секојдневно се користат од нашите корисници. Имено, набавени се современи индустриски машини: перална, сушара, машина за чистење ходници, правосмукалка, електричен казан за подготовка на храна, фрижидер, машина за миење садови и саламорезница, како и мини трактор косилица.Оваа инвестиција е вложување во подобра грижа, поголема ефикасност и повисоки стандарди.
Сакам искрено да се заблагодарам и на општествено одговорната компанија Кромберг и Шуберт – Битола, која несебично донираше опрема за нашата кујна од ситен инвентар до индустриски машини. Оваа донација значајно ќе го подобри процесот на подготовка на храна, ќе го олесни трудот на нашите вработени и ќе придонесе за подобар квалитет на секојдневните оброци за нашите корисници. Исто така, во завршна фаза е системот за Противпожарна заштита на Домот, проект кој чини околу 2.000.000 денари и за кој се обезбедени средства од Буџетот на Домот. Со ова дополнително се подигнува безбедноста на корисниците на повисоко ниво, истакна Благојче Стојаноски на домот за стари лица во Прилеп „Киро Крстески Платник“.
Градоначалникот Проданоски најави дека исклучително внимание ќе се посветува на луѓето во третото доба. Во завршна фаза веќе бил и ќе се отвори и Ццентарот за активно стареење во месната заедница Рид. А исто така Проданоси рече дека ќе се работи и на привлекување на инвеститори кои би отвориле приватни домови за стари лица во Прилеп.
„Ова значи целосна посветеност на локалната самоуправа во подобрување на квалитетот на живот на луѓето во третото доба. Сме во фаза на креаирање на буџетот за 2026, сме во преговори со Министерството за социјална политика, демографија и млади да го подобриме и буџетот кој стигнува, затоа што е заедничка надлежност јавната установа, не е само на локалната самоуправа, и се што може да се искористи од општествено одговорните компании. И да се зголеми капацитетот на домот за стари лица, но и да се подобрат условите во кој старите лица згрижени како штитеници би живееле и би го поминувале своето секојдневние додека се тука штитеници.
Имаше една иницијатива во минатото за отворање на приватни домови за згрижување на стари лица, досега откако сум градоначалник не стигнала иницијатива, но во секој случај би направиле се што е во рамки на надлежностите на локалната самоуправа да овозможиме локација да се изгради таков дом, затоа што е навистина потребен. Еве и по ова што го слушнав, не бев информиран дека има листа на чекање на штитеници, и уште една важна работа е тоа што овој старски дом не е ограничен само на жителите на општина Прилеп, туку имаме штитеници од цела Македонија, онаму каде што ќе се најде место има обврска согласно законите тие истите луѓе да бидат прифатени од домовите. Значи паралелно треба да се оди и на зголемување на капацитетите и да се оди на ова што вие како прашање го отворивте, а тоа е да се отворат согласно позитивните искуства од другите општини, приватни домови кои добро функционираат и работат“, додаде Проданоски.
