ВИДЕО- Над 300 деца дел од годинешните Бадникови поворки во Прилеп

Оваа година се организираше 16-тата по ред Бадникова поворка во Прилеп, а во цела Македонија поворките ги има дури во 80 градови. Годинава Прилеп ја има една од најголемите поворки со над 300 деца.

„Се надевам дека ќе бидеме исполнети, пред се дечињата и нивната радост и се надевам дека ќе ни ги стоплат срцата со нивните песнички. Подготовките течеа во најдобар ред, имавме 3 проби пред да биде овој настан, плус генералната проба. На дечињата им беа поделени материјали од нашите спонзори, а на крајот на оваа манифестација ќе бидат наградени со пригодни подароци. Знаеме сите дека Бадник е предвесник на рождеството Христово, значи на Божиќ, а децата ги симболизираат ангелите кои ни го прикажуваат симболично патот кон пештерата и кон Христовото раѓање. Исто така ѕвездите што ги носат во нивните рачиња се предвесник на Христово раѓање“, истакна Лина Димеска Стојаноски – координатор за Прилеп, здружение ,,Бадникови поворки”.