За жал кај нас се уште постојат компании кои не го разбираат и не го практикуваат маркетингот. Се уште постојат компании каде воопшто нема лице кое е вработено за да се грижи за маркетингот, ниту пак контактирале некогаш со маркетинг агениција, а тоа е показател дека воопшто не се свесни за тоа што може да го добијат од маркетингот. Ова е ставот на професорката Снежана Обедниковска од Економскиот факултет во Прилеп која предава повеќе предмети од областа на маркетингот.
Според неа потребни се едукации и обуки за сопствениците и претприемачите за да се подигне свеста за бенефитите од маркетингот. Професорката Обедниковска нагласи дека за жал кај нас е лошо тоа што маркетингот се разбира како трошок, а не како инвестирање во иднината на компанијата. Иднината на малите и микро претпријатија се темелела на дигиталниот маркетинг, а придобивките од него биле огромни.
Обедниковска нагласи и тоа дека поврзувањето на маркетингот на една компанија со една лична, автентична приказна за сопственикот придонесува за поголем промотивен успех и поврзување на клиентите/муштериите со тој производ. Затоа што граѓаните сакале да стапат во контакт со луѓето позади брендот, а не само да го купат производот.
На овие и многу други теми поврзани со маркетингот погледнете во интервјуто.
