Пензионерите кои во изминатиов период од цела Македонија протестираа за зголемување на пензиите се поделија. Прилепските пензионери денеска обвинија дека претседателот на новоформираното здружение Сојуз на пензионери – пензионери за достоинствен живот Драган Угриноски сакал да ги приближи кон партијата на Јанко Бачев, Единствена Македонија. Тие велат дека не сакаат мешање на политика и на ниту една политичка партија. Зад нив биле сите останати пензионери од државава.
„И ова 5% што се дрзнаа сега да ни го дадат, со мартовското порамнување со просечната плата и најниската плата, значи е голем удар за пензионерот, навреда и деградирање на цела категорија пензионери. Со овие цени ако некој зема минимална пензија не може да преживее ниту 2 недели. За лекови да не правиме ни збор“, вели Верче Јанческа, пензионер.
За 11 овој месец најавуваат формирање на ново тело на пензионерите, комплетно независно и непартиско кое ќе формира комисии од повеќе области и ќе соработува со министерсвата на новата Влада за подобрување на пензионерскиот стандард.
„Ќе има псоебни групи кои ќе се занимаваат со социјалната страна, со економска страна, со земјоделие и да ги изнесеме проблемите на сите овие целни групи и да работиме по лесно“, додаде Јанческа.
Пензионерите остануваат на барањата за линеарно зголемување пензијата од 5.000 денари, како и воведување на нови лекови на позитната листа. Пред претседателските избоири најавуваат голем собир во Скопје и ќе бараат поддршка од сите претседателски кандидати.
