Силното невреме кое денеска го зафати Прилеп предизвика енормно зголемување на водостојот на Градската река, што пак предизвика големи проблеми во населбата Сточен Пазар, кај улицата „Трајко Николоски“, каде се гради новиот мост. Целото градилиште се претвори во огромно езеро и за да не се случи поголема катастрофа мораше со механизација да биде урнат импровизираниот мост-насип кој возилата го користеа за да ја преминат реката. Дали е направена штета врз градбата на новиот мост треба допрва да се утврди.
