За само неколку денови, ЈКП „Водовод и канализација“ изработи нова канализациона линија во должина од 150 метри, со што во колекторскиот систем на јавното претпријатие за прв пат после 60 години се вклучени 6 куќи од УЗ „Варош“.
„ЈКП „Водовод и Канализација продолжува да ги решава проблемите на граѓаните во сите месни заедници. Во минатите неколку денови изработивме нова канализациона линија, долга повеќе од 150 метри и во колекторскиот систем прифативме 6 куќи кои над 60 години не беа вклучени во канализационата мрежа. Станува збор за улицата „Орде Чопела“ од број 1 до 11. И во наредниот период со силно темпо ќе продолжиме да ги решаваме проблемите на граѓаните. Имаме изработено план за сите месни заедници. Од понеделник почнуваме да работиме на улиците „Републиканска“, „Октомвриска“ и „Савска“, во населбата „Сточен пазар“, потоа кај социјалните бараки во наслбата Варош и на повеќе други локации во градот“, истакна директорот на ЈКП „Водовод и канализација“, Емил Јанески.
Од ЈКП „Водовод и канализација“ велат дека останува во канализационата мрежа да се поврзат уште неколку куќи од улица „Пчиња“ од УЗ „Гоце Делчев“, со што целиот град ќе биде покриен со канализација.
