Денес во Крушево, во Спомен куќата на Тодор Проески, свечено се одбележаа 15 години од нејзиното отворање. Овој значаен јубилеј беше проследен со пригодна програма во чест на ликот и делото на нашата музичка легенда. По тој повод настапија ученици од Државното музичко-балетско училиште „Илија Николовски-Луј“ од Скопје, кои со своите изведби внесоа посебна емоција и достоинство во одбележувањето.
Настанот уште еднаш потсети на трајното наследство што Тоше го остави зад себе и на важноста на неговото дело кое треба да продолжи да живее низ генерациите.
