НОВО во GALA WASH Прилеп !!! Перење на патосници - Антибактериски мирис - Црнило за гуми
Прилепската винарија Сарика уште еднаш докажа дека ги има едни од најубавите вина на Балканот. На саемот Wine Vision by Open Balkan 2025 што се одржа во Белград освоија 7 медали за своите вина од кои и едно злато.
- Прво ЗЛАТО за новиот Вранец 2023
- Сребро за: Вранец 2022 и Прокупец 2024
- Бронза за: Прокупец 2023, Пловдина 2024, Сарика бело 2023 и Жупјанка 2024
„Горди сме што оваа година нашата мала семејна винарија се претстави извонредно на саемот Wine Vision by Open Balkan 2025. Во конкуренција со голем број винарии од целиот регион, успеавме да освоиме седум награди, меѓу кои и едно Злато – признание што ни значи. Овие награди се потврда за нашата визија: да создадеме мали серии на квалитетни, автентични вина, произведени со љубов, труд и посветеност“, истакна сопственикот на винаријата Гоце Станоески.
Станоески се заблагодарува на сите што ги поддржуваат, ги дегустираат нивните вина и веруваат во нивната винска приказна.
„Продолжуваме со уште поголем мотив да создаваме вина што зборуваат со вкус, мирис и душа“, додаде Станоески.
