Директорот на Државниот завод за статистика, Апостол Симовски денеска изјави дека пописот единствено може да се одложи доколку Комисијата за заразни болести процени дека не е безбедно тој да се спроведе и поднесе препорака за да се одложи.
„Единствените коишто можат да предложат одложување на пописот поради Ковид-от е Комисијата за заразни болести, ако оценат дека ситуацијата е таква да не може да се контролира, треба да дадат препорака до Владата за да се донесе таква одлука“, изјавува Симовски за телевизија Канал 5.
Тој кажува дека ова е огромна процедура за која одлучува Комисијата и потребни се законски имени, па Државниот завод за статистика не може многу да влијае на одлуката.
„Ако даде препорака, оди во процедура, на Кризниот штаб, па на Влада. Меѓутоа за да ние евентуално одложиме треба на крајот да се промени и Законот, што значи измена на законското решение, а тоа е огромна процедура“, кажува Симовски.
