Вонредните внатрепартиски избори во СДСМ на кои ќе се избира нов претседател на партијата ќе се одржат денеска, а гласањето ќе се одвива по електронски пат. Сите членови кои поседуваат електронска членска картичка на СДСМ ќе може активно да се регистрираат и да гласаат на овие втори внатрепартиски избори.
Денеска гласаше претседателот на СДСМ, Зоран Заев во општинскиот штаб во Струмица на вонредните вантрепартиски избори, а по тој повод порака испрати и преку својот Фејсбук профил.
„СДСМ – Социјалдемократски сојуз на Македонија ја подигна внатрепартиската демократија на највисоко ниво. Членовите избираат претседател на непосредни избори со тајно гласање, со што се поставува нов стандард на македонската политичка сцена.
Денеска гласав на вонредните внатрепартиски избори во општинскиот штаб на #СДСМ во Струмица.
Им посакувам среќа на тројцата кандидати, победникот ќе има чест и одговорност да продолжи да работи за интересите на граѓаните и за доброто на државата“, напиша Заев.
