Повеќе од една година целата планета се наоѓа во една тешка криза поради корона пандемијата, која влијаеше врз целокупниот начин на живот, на економијата, буквално ништо не е како порано. Во оваа т.н. нова нормалност, иако ништо не е нормално, погодени се голем број сфери во општеството, особено културата и музиката. На каков начин функционираат мизичарите во овој период во ова интервју разговараме со Златко Карчески, басистот и фронтменот на прилепската рок група The Hounds.
Карчески открива детали за нивниот нов албум, кој треба да се промовира наскоро, а со него разговараме и за едно негово хоби. Нешто што можеби малкумина го знаат за Златко е тоа дека освен што одлично свири и пее, исто така и активно се занимава и со планинско трчање и тоа на доста долги стази.
