Најновиот извештај на институтот за јавно здравје вели дека се регистрирани 2.354 нови случаи во 33 градови. Процентот на позитивност се движи од 7 до 13, со просек 10,2%.
Најмногу заболени има кај лицата над 60 години, а најмалку кај децата до 9 годишна возраст.
Сепак, извештајот вели дека кај сите возрасни групи има намалување на бројот на заболени. За 11,8% помалку нови случаи на ковид се регистрирани во Македонија во периодот од 4-ти до 10-ти октомври. Пријавени се 93 смртни случаи во текот на минатата недела, од кои 40 се од главниот град.
Во текот на минатата недела се регистрирани 34 реинфекции, што е намалување за речиси 15 %. Заклучно со 10 октомври повторно се заразиле вкупно 625 луѓе.
