ТЕМЗА - нов дневен престој во Припеп - дружење, учење, забава – исто како децата да се дома
ЕУРО ГЛАС ТРЕЈД ПРИЛЕП над 20 години заедно со Вас - најдобрите ПВЦ и алуминиумски врати и прозорци
Креас - готвени јадења. Новоотворена продавница во Точила на веќе познатиот прилепски бренд.
Во КРЕМОНА ШОПИНГ ЦЕНТАР сега и ѕидни панели, вештачка трева, декоративни дрвца, трпезариски маси и клуб маси, компјутерски бироа и столици
Драги пријатели…Прилепчани. Доколку ни дадете мандат, НИЕ знаеме како и ќе ја спасиме нашата душа, ФК Победа Прилеп.НИКОЈ КАКО ПОБЕДА ПРИЛЕП. ВРЕМЕ Е ОПШТИНА ПРИЛЕП ДА ГО СПАСИ СВОЈОТ СИМБОЛ – ФК ПОБЕДА!, порачуваат од листата за советници НЕЗАВИСНИ за Прилеп.
„ФК Победа не е само фудбалски клуб – тоа е душата на Прилеп, дел од нашата историја, нашето име и гордост! Но денес, овој симбол на градот е доведен до раб на исчезнување. Празни ветувања, запуштени терени, блокирани сметки и целосна незаинтересираност – тоа е реалноста што ја гледаме!
Доста беше од молк!
Прилеп мора да го врати своето најголемо спортско име на местото кое го заслужува!
ПЛАН ЗА СПАС НА ФК ПОБЕДА
- Општинско тело за спас на клубот – тим составен од претставници на Општина Прилеп, поранешни фудбалери, спортски работници и навивачи, со јасна задача: стабилизација и возобновување на клубот.
- Финансиска поддршка и фонд – создавање транспарентен фонд под општински надзор, во кој ќе учествуваат јавни претпријатија, локални фирми и поединци што сакаат да помогнат.
- Реконструкција на стадионот „Гоце Делчев“ – со јавно-приватно партнерство и општинска координација. Прилеп заслужува современ стадион и достоинствен фудбалски дом.
- Младинска академија „Победа“ – систем за развој на млади фудбалери, за децата повторно да сонуваат да играат со црвено-белиот дрес.
- Враќање на навивачкиот дух – преку спортски манифестации и општински настани, да се врати масовната поддршка и љубовта кон Победа.
Ова не е само спортски проект – ова е план за враќање на градската гордост. ФК Победа е симбол што не смее да згасне! Прилеп без Победа не е Прилеп. Време е Општината да застане зад клубот, зад името, зад народот“, порачувата НЕЗАВИСНИ.
