Во рамките на проектот „Од 0 до КултурА“, Општина Прилеп ве поканува на концерт рок-бендот „Паркети“ од Битола – состав кој повеќе од три децении остава препознатлив белег на македонската музичка сцена.
Формирани кон крајот на осумдесеттите години, „Паркети“ изградија автентичен музички израз, препознатлив по оригиналниот звук, необичните текстови и искрената емоција. Нивното творештво опфаќа љубовни, апстрактни и општествени теми, а низ годините создадоа песни кои станаа дел од алтернативната музичка историја во Македонија.
Со два студиски албуми и бројни препознатливи авторски композиции, бендот и денес останува симбол на независниот музички дух и инспирација за новите генерации.
Ве очекуваме заедно да уживаме во вечер исполнета со добра музика и одлична атмосфера.
