Продолжуваат контролите, но и секојдневното санкционирање на луѓе кои управуваат моторни возила низ Прилеп, без притоа да ја имаат потребната возачка дозвола. Во текот на вчерашниот ден повторно беа санкционирани тројца од нив.
„На 13.08.2026 во 19:20 часот на ул.„Тризла“ во Прилеп, полициски службеници од ОВР Прилеп го лишија од слобода Б.Б.(38) од Прилеп. При контрола во сообраќајот полициските службеници сопреле мопед со прилепски регистарски ознаки, управуван од Б.Б., при што било констатирано дека го управувал без возачка дозвола.
Само неколку минути подоца, во 19:30 часот на ул.„Тризла“ во Прилеп, полициски службеници од ОВР Прилеп го лишија од слобода А.А.(46) од Прилеп. При контрола во сообраќајот полициските службеници сопреле мопед со прилепски регистарски ознаки, управуван од А.А., при што било констатирано дека го управувал без да поседува возачка дозвола.
Во 21:50 часот на ул.„Васко Карангелески” во Прилеп, полициски службеници од ОВР Прилеп го лишија од слобода Х.Б.(41) од Прилеп. При контрола во сообраќајот полициските службеници сопреле возило „мицубиши“ со прилепски регистарски ознаки, управувано од Х.Б., при што било констатирано било дека управува за време на активна мерка забрана, а притоа агресивно се однесувал кон полициски службеници кои вршеле службени дејствија.
По документирање на настаните ќе следуваат соодветни поднесоци.“, велат од МВР.
