„Ролс-Ројс“ соопшти дека започна со производство на најголемиот мотор за авиони во светот.
Моторот наречен „Ултрафан“ има дијаметар од 3,5 метри, а неговата цел е да помогне во редефинирање на одржливиот воздушен сообраќај во наредните години.
Моторот ќе биде 25% поштедлив во однос на првата генерација Трент мотори, а тоа е исклучително важно во намерата да се постигне одржливост во авијацијата. Во текот на првото тестирање на моторот ќе се користи 100% одржливо авионско гориво.
Проектот е поддржан од британската и германската влада, деловите се произведуваат во Бристол, Велика Британија и Далевиц во Германија. Во Бристол се произведува системот од вентилатори од јаглероден титаниум, додека во Далевиц 50MW Power Gearbox, доволно моќен да покренува 500 семејни автомобили.
Моторот ќе биде изработен до крајот на годината.
