Планинарското Спортско Здружение „Козјак“ – Прилеп, на ден 05.04.2026 (недела), организира голем планинарски настан „СИТЕ ВО ПРИРОДА“, поддржан од Општина Прилеп, а во соработка со основните и средни општински училишта.
Ова е одлична можност учениците, наставниците и граѓаните заедно да излезат во природа, да се дружат, да пешачат и да ја почувствуваат убавината на планината.
Настанот има за цел да ја поттикне љубовта кон природата, здравиот начин на живот и заедништвото помеѓу младите.
СОБИР: 08:00 – 08:30 часот
ПОЧЕТНА ТОЧКА: ООУ „Гоце Делчев“ – Прилеп
ПОДАТОЦИ ЗА ТУРАТА:
Рута: ООУ „Гоце Делчев“ – Топташ – карпа „Момата“ – манастир „Св. Димитрија“ (с. Селце) – Народен Театар „Војдан Чернодрински“
Должина на турата: 10 км
Тежина: лесна (погодна за сите возрасти)
Обезбеден е ручек (планинарско гравче) за сите учесници во манастирот „Св. Димитрија“ – с. Селце.
Подгответе ги ранците и доброто расположение – нè очекува ден исполнет со движење, дружење и позитивна енергија!
