Спелеолошкиот клуб „Златоврв“ – Прилеп во сабота на 23.11.2019г. ќе врши технички тренинг (вежба) – спуштање и извлекување на лица од висококатната зграда „Кула 13- катница“ во Прилеп. Активноста опфаќа користење на техниките на единечно јаже (single rope techniques), традиционално користена при спелеолошки активности и спасувања во пештери, и нејзина примена во урбана средина.
„Целта е увежбување на нашиот тим за подготвеност за спасување / извлекување лица од слични објекти (непристапни локации во урбана средина), за што техниките на единечно јаже се најсоодветни. Вежбата е дел од активностите на СК Златоврв – Прилеп за подобрување на подготвеноста за спасување на лица од непристапни средини“, велат од Спелеолошкиот клуб „Златоврв“ – Прилеп.
