На 19-ти октомври 2024 година, сабота од 19.00 часот во големата сала од ЦК „Марко Цепенков“ КУД „Пере Тошев“ ќе одржи целовечерен концерт.
На програмата ќе можат да се слушнат:
- Што ми е мило
- Јас ќе ти купам
- За кого ти цути Дано лицето
- Каранфило фил, фило моме
- Биљана платно белеше
- Назад , назад Калино моме
- Песна за Пере Тошев
- Зурли трештат
КУД „ ПЕРЕ ТОШЕВ “ – Прилеп е формирано на 5 мај 1987 година со две секции :
- Пејачки состав на просветните работници од општина Прилеп и
- Рецитаторска група
Со текот на времето пејачката група се проширува со нови членови, вљубеници на хорското пеење и прераснува во хор кој се регистрира како културно – уметничко друштво кое негува богат музички репертоар , хармонизирани македонски староградски народни песни, ренесансни песни како и хорски композиции од различни музички автори.
Во текот на своето триесет и пет годишно постоење хорот има изведено голем број на настапи, учествува на разни музички манифестации во земјава и во странство, одбележување на разни настани и датуми од поблиското и подалечниото историско минато на општина Прилеп. Има добиено бројни награди и признанија меѓу кои и Трето ноемвриската награда на Општина Прилеп во 2013 година.
