Јули бил најтополи месец откако се мери просечната температура на Земјата, објави Американската национална администрација за океани и атмосфера. Мерењето на температурата се води веќе 142 години.
Агенцијата денеска соопшти дека минатиот месец просечната температура на копното и површината на океаните во светот била 0,01 °C повисока отколку во претходниот најтопол јули – во 2016 година.
„Јули е генерално најтоплиот во годината, но јули 2021 година се надмина себеси, стана најтоплиот јули и месец што некогаш е регистриран“, наведе Рик Спинрад, директор на одделот.
