Возачот на Мерцедес, Луис Хамилтон ќе стартува од пол позицијата на утрешната трка за ГН на Малезија. Хамилтон најбрзиот круг во квалификациите го помина за минута и 30,076 секунди.
Од втората позиција ќе стартува возачот на Ферари Кими Рајконен. Главениот конкурент на Хамилтон и клубски колега на Рајконен, Себастијан Фетел ќе стартува последен по катастрофалните квалификации, каде не успеа да комплетира ниту еден целосен круг.
„Ова е дел од мото трките. Не е идеално, не е тоа што го посакуваш особено кога знаеш дека го имаш она што е потребно во себе. Од друга страна пак, барем ги зачувавме гумите за утрешната трка“, изјави Фетел откако откажа моторот на неговиот болид.
114