Вечерва во Прилеп започна 17-тиот по ред меѓународен музички детски фестивал „Ѕвездички“. Фестивалот трае 2 дена. Втората фестивалска вечер ќе се одржи утре со почеток во 19 часот во домот за култура „Марко Цепенков“. На фестивалот учествуваат деца од повеќе држави.
Покровител на „Ѕвездички“ веќе 17 години е Општина Прилеп.
Основна цел на фестивалот е да создаде пријателски врски помеѓу децата од различни етнички и верски средини и да ги стави во пракса принципите за заедничко живеење, меѓусебна толеранција и разбирање, како и надминување на културните разлики помеѓу децата од целиот свет.
91